മലപ്പുറം സമ്മേളനത്തിന് ശേഷമുണ്ടായ വിഭാഗീയത പാര്ട്ടി അതിജീവിച്ചു .
കോട്ടയം: മലപ്പുറം സമ്മേളനത്തിന് ശേഷമുണ്ടായ വിഭാഗീയത അതിജീവിച്ച് പാര്ട്ടി മുന്നേറുകയാണെന്ന് എല്.ഡി.എഫ് കണ്വീനര് വൈക്കം വിശ്വന് പറഞ്ഞു. സി.പി.എം സംസ്ഥാന സമ്മേളനത്തിലെ പൊതു ചര്ച്ചയ്ക്കുശേഷം മാധ്യമ പ്രവര്ത്തകരോട് സംസാരിക്കുകയായിരുന്നു അദ്ദേഹം.
സംസ്ഥാന കേന്ദ്ര നേതൃത്വങ്ങളുടെ ഇടപെടല് ഇതിന് സഹായകമായെന്നും അദ്ദേഹം വ്യക്തമാക്കി. പാര്ട്ടി ഭരണ ഏകോപനത്തിനുള്ള സംവിധാനം കര്യക്ഷമമായി പ്രവര്ത്തിക്കുന്നുണ്ട്. സി.പി.എം മെമ്പര്ഷിപ്പില് 20,339 അംഗങ്ങളുടെ വര്ധനവുണ്ടായി. തിരഞ്ഞെടുപ്പ് വിജയത്തിന് പ്രതിപക്ഷ നേതാവെന്നനിലയിലുള്ള വി.എസ് അച്യുതാനന്ദന്റെ പ്രവര്ത്തനവും പിണറായി വിജയന് നേതൃത്വം നല്കിയ കേരള മാര്ച്ചും സഹായകമായെന്ന് സമ്മേളനം വിലയിരുത്തിയതായി അദ്ദേഹം പറഞ്ഞു.
വെട്ടിക്കുറച്ച കേന്ദ്ര വൈദ്യുതി വിഹിതം പുന:സ്ഥാപിക്കണമെന്ന് സമ്മേളനം ആവശ്യപ്പെട്ടു. ധാതു, ഖനന മേഖലയില് നൂറുശതമാനം വിദേശ നിക്ഷേപം അനുവദിക്കാനുള്ള നീക്കം പിന്വലിക്കണമെന്നും സമ്മേളനം ആവശ്യപ്പെട്ടതായി വൈക്കം വിശ്വന് പറഞ്ഞു.
Tuesday, February 12, 2008
Subscribe to:
Posts (Atom)